lunes, 23 de enero de 2017

Caldueñu (Llanes)

2 d'Ochobre y 19 de Payares de 2016

Apurando les últimes opciones d'una veronda o veroño interminable entá tuviéramos d'acampada a primeros d'ochobre en Benia d'Onís. Llueu de la parrillada na nueche, d'aguantar a dos holandoses castrones y de llevantanos al día siguiente, tocaba dir a trepar un puquiñín.

Esi primer día, decidimos dir hasta'l Valle de Caldueñu nel qu'a lo llargu de tola so estensión, alcuéntrense munchos parés que forma una escuela de recién creación. Esta vegada xubimos a la Cabeza Blanca nel Mazucu onde, aparte d'un pindiu averamientu, tendremos unes víes d'enorme calidá.


Trepando nel Mazucu intentando conocer les víes poquín a pocu


Nesti casu, daquella siguía cola travesía nel desiertu y el pié casi nun me dexaba esguilar, asína que fice dalgún quintín con dolores nel pié y pegámonos con Agente Espesante, un 6a, perro enforma y mui suciu, con grandes posibilidaes de salir volando como ta mandáu.

La siguiente visita a esti guapu valle, diba ser un mesín más tarde, pero vamos camudar de zona y tiraremos penriba del pueblu de Villa al alcuentru de la placa Aviaos, que yo tovía nun conocía pero Jose y Pepa ya tuvieran probando.

Placa de Avios nel valle Caldueñu

Namás llegar, Richar y yo, metémonos a la primer vía de 6a de dos llargos, metiendome d'un tirón tola vía de 50 m hasta la segunda reunión, paeciéndome una preciosidá per un diedro-fisura brutal, siendo'l grau bastante continuu durante tola vía.

Llueu d'aportar Richar hasta la segunda reunión de segundu, vamos prauticar un puquiñín los rápeles y tiramos p'abaxo a facer ya víes d'un llargu. Tiramos de manzorga a mandrecha, sacando a vista Sensación de romper y Metralla, 6b y 6b+ mui del estilu de la primer vía tamién, con fisures y pasos de babaresa.

Faciendo un par de llarguinos de 6a

Nun madrugáremos muncho que se diga esti día y col pasu del día, punxérase fríu de coyones, decidiendo nun matanos muncho más y decidimos dir recoyendo, dexando una bona xera pa otres visites.

 Caldueñu (Seutores visitaos)

Croquis modificaos por mi de la escuela d'escalada de Caldueñu, por mor del blogue Escalada en Llanes y Entretenimiento Vertical. Gracies y col so permisu.


----------------------------------------------------------------------------



24, 26 d'Avientu de 2015 y 30 de Xineru de 2016


Tres díes a finales d'añu y entamos anduviémos descubriendo los milenta seutores qu'escuende los parés de la Peñe Villa sol valle de Caldueñu. Ye difícil saber si paga la pena dixebrar en delles pequeñes escueles o non esti marabayu de caliza, personalmente prefiero dexalo como una gran escuela.

El primer día averámonos hasta los seutores del ámbitu del pueblín de Villa y más en concretu al seutor con el pié de vía más averáu al coche: el de Cuevas. El sitíu ye un prau de vaques, con cero aproximación pero ye una llamarga na qu'o tamos de seca o pue ser un infiernu.

Seutores superiores y el de Las Cuevas... a la vera de la pista

Aportamos tardi, asína que fice unes cuantes víes al sele sol iverniegu entamando pola mandrecha con un par de 6b's pa pasame a la parte central coles víes más curties pero desplomaes pente'l V+ y el 6a+ con dalgo en común... abrasen de lo que pinchen.

El segundu día, fuimos hasta'l seutor de Torrevega, costándonos un triunfu aportar a él, pesie a velu dende'l propiu pueblu de Torrevega. Hai que dicir que tenemos que travesar el pueblu col coche, hacia la manzorga, pa xubir de nuevu per una caleya hasta más menos la cabera casa del pueblu.

Seutor de Torrevega... escayada fina p'aportar

Ellí, podemos salir per un senderín hacia un bebederu, saliéndonos enantes a la manzorga siguiendo un senderu pocu marcáu hasta pasar pembaxo d'una portiella de madera. Llueu siguiremos más menos el senderu dando al vuelta a la peña, hasta alcontranos al otru llau viendo'l paré de Torrevega.

Tal cual de difícil lo desplico, pues asina nos fué. Un putu infiernu, con escayaes de tolos collores hasta dar col senderu bonu y aportar al pié de vía, como si llevare 3 hores de ruta jeje. Les víes, pues son con d'una caliza brutal, tanto que corten en dalgún sobre, pero hai dalgún bloque que mete mieu y muncha piedrina suelto.

Bones vistes hacia Reres y pa Picos

Sinceramente, prestáronme sobretou les víes más complexes onde los pasos yeren más obligaos y nun te dexaba xugar tanto a los llaos, col peligru de tirar piedres al compañeru, asína que cascu obligáu y prohibíu tocar dalgún bloque pente les víes, ya que meten mieu.

A ver cuando vuelvo a conocer el restu de lo que nomóse nun entamu como Culobardón, anque esti seutor nun se si entraba. Pel momentu, paezme qu'ente l'accesu pelín cabrón y que les víes nun me dieron más nun me paez que vuelva, anque pa una mañana estes cinco víes a vista ye pa marchar contentu.

Seutor del Mazucu nel qu'hai potencial tremendu

L'últimu día, colos croquis casi sacaos del fornu por Victor d'Entretenimiento Vertical, fuimos hasta'l Mazucu pa conocer un paredón increyible que dende la entrada al pueblu ya ties claru cual ye. Equí, sí que tengo que dicir qu'esti seutor va ser nomáu y con munchísimes visites.

L'averamientu pues nun ye malu, falta-y que col pasu la xente faígase un senderín curiosu, pero ye cenciellu, pindiu, pero cenciellu de siguir y algamar el pié de vía. La mala suerte que tuviemos, ye que les víes taben pingando y eso que llevaba día y picu son llover... ye lo que tien el mes de Xineru.

 El Tiatordos saludando a la caliza del Mazucu

Aún así, probé un par de víes nel espolón drechu onde salía un V+/6a con tramu pelín alpinu al final en diedru y cola roca mui frío pa sentime a gustu. Llueu rematóme'l diedru roxín, onde la escalada ye alpina total, teniendo que perpasar dos bloques empotraos que meten pánicu... güeyu!!! asegurador con cascu de toes toes, ya que quédense piedrines nes repises y salen esnalando p'abaxo como les toquemos.

Al final, pa reencontrame cola esguilada y quedanos con grandes sensaciones pa próximes visites, fice un V/+ na placa de la manzorga, la cual va ser un ésitu pa la iniciación de munchos trepadores que quiera tener metros y variedá de graos.

Alcordóme dafechu a seutores como la Selva en Quirós... de xuru que va llenase de xente'l paré y el pueblu tomando cerveces dempués... bon ambiente espérase pel Mazucu.

Camudando'l Camín asoleyando en Llanes

No hay comentarios:

Publicar un comentario en la entrada