martes, 22 de noviembre de 2016

Navalones (Uviéu)

26 de Mayu, 3, 14 de Xunu y 4 de Xunetu de 2016

Tamos col puntu fuerte de la temporada d'escalada, nos meses de Xunu y Xunetu y si amenaza lluvia pa una tarde n'Asturies, dir a Navalones ye sinónimu de colar con una reventada fina y de pasu entrenar los miós puntos débiles, que son munchos, pero'l más claru ye la resistencia en desplome.

Ellí tuviemos varios díes y fueron saliendo los encadenes, entamando por Tongo 30 (6b+) con un llance que nun se me daba na bien y acabó saliendo y Tallas Bien (6c) que supera un techu teniendo que facer un esfuerzu perimportante y saliendo con otru llance curiosino.


Algamaes estes dos, nun contaba con poder xubir más grau, pero dióme per probar el Mineru, 7a, que fai una primer parte ya conocía (Grisú, 6b +) y xube a otra reunión superando un par de techinos y allargando la mió penuria nesti tipu de víes.

A la fín, tamién cayó y quedó la escuela nel escaezu per esti añu, porque vieno perbon tiempu y nun tuvimos qu'abelluganos nel so paré, en tol restu de los díes d'escalada. Hai que dicir, que tan guarres munches de les sos víes y el siguiente pasu que sería 7a+, llevaría un procesu de llimpieza de víes pa poder llevalu alantre.

Camudando'l Camín dende Navalones

Navalones
Croquis modificaos por mi de la escuela d'escalada de Navalones de la web Asturvertical

Gracies y col so permisu. 

---------------------------------------------------------------

17, 23 Xunetu y 4 Setiembre de 2015

Tres díes tres, anduvi la sienda fluvial dende Soto Rei hasta Olloniego onde alcuéntrase la escuela d'esguilada deportiva de Navalones. Sí, a la vera'l ríu Nalón y con un carril bici que pasa pembaxo casi del desplome'l paré tenemos una escuela onde trepar.

Guapa sienda fluvial pente los pueblos de Soto Rei y Olloniego

Anque más bien que trepar tenemos qu'esnalar, tenemos qu'apretar con tolo que tenemos pa nun salir volando dende cualesquier de los atléticos pasos de cada vía. Como siempre, el problema ta nos graos a los qu'enfrentámonos... mayormente penriba'l 7a hasta'l puntu d'aportar más allá del 8b.

Ablucante'l desplome de Navalones

Los pringaos qu'intentamos deprender a movenos nos desplomes vamos a les úniques víes que déxenmos facer daqué y aún así, esta escuela ye dura enforma. Asína qu'allá anduvimos apretando en Grisu (6b+) que como en toles víes "cencielles" de Navalones y un amiestu de rocódromu y paré natural con preses artificiales.

Bon pie de vía.... paré suciu enforma... nun lo pue tener tou

Cuando grisú salió, más menos al sestu pegue (segundu del segundu día), paséme a Tongo 30 otru 6b+ d'apariencia más cenciella, con un sólu pasu difícil, un llance pelín llonxanu pa la mió estatura que siempre pringaba nel intento d'encadene y siempre salía nel siguiente magar del vuelu de rigor.

A volar... encadenes o non... siempre acabes llanzando y volando

Finalmente, nos tres díes nos que fuí per ellí y lluché cola gocha paré de Navalones, tan sólo saqué Grisú y llegué a cadena sin l'algame de la vía de Tongo 30 y d'un 6c... Tallas Bien, que tamién ye vía con preses artificiales y muncho más atlética que les dos anteriores.

Duro pal mió estilu... pero hai que deprender a esguilar en tolos estilos y parés... asina ye Navalones... desplome puru.

4 comentarios:

  1. Non sabía yo d'esa escuela d'escalada de Navalones. Aunque eso ya nun ta pa mi.
    Un abrazu, collaciu

    ResponderEliminar
  2. La conozco muy bien la senda. Siempre que paso por ella en bici, me llama la atención
    Como tu dices creo que hay que apretar un con el otru, en los techos y desplomes.
    Un saludo

    ResponderEliminar